Mon Album Photo

六月二十三日

nicolerene314 — Tue, 23 Jun 2009 23:26:56 +0800

今日對其他人來講係好普通的日子不過對我來講就有點特別今日係我同アーロン相識第九年時間咁就過左去慶祝？都冇咩好慶祝不過アーロン冇返工陪左我整整一日九年來真係第一次係屋企做咩？講你都唔信我之前咪好想知道邊個係HOD今日アーロン就講左少少比我聽真係估佢唔到 HOD原來係一位年輕的女醫生….OH! 但係アーロン話好驚佢問佢點解？佢就無正面咁答我又年輕又靚女咁都唔想要？我都真係好想知道點解？

雖然我一直係到聽不過個心就真係有點唔舒服…. 因為佢一路講就一路勾起我的不快回憶雖然事隔多年但係我始終都係有點耿耿於懷人就係咁衰唔知道就死都要尋根究底當知道左就想當自己冇聽過….. 將來我究竟會變成點呢？會唔重好似今日煩緊同一個問題呢？WHO KNOW!

(閱讀全文)

10蚊店孖寶

nicolerene314 — Fri, 19 Jun 2009 18:23:55 +0800

網上面好多人成日討論10蚊店必買的產品分別係馬油Hand Cream同黑炭鼻膜這兩隻產品係10蚊店成日都賣斷市而且評價亦唔錯之前係好多間都找唔到今日終於係灣仔個間10蚊店找到…去比錢的時候個sales同我講：小姐馬油Hand Cream洗唔洗買多幾支我地都係剛剛返貨咋成日都斷貨架!!我知道不過幾好用都好啦! 都唔洗買咁多呀？不過10蚊的確係超低既!!

虛驚一場 !

nicolerene314 — Sat, 13 Jun 2009 08:55:55 +0800

アーロン成日都話想生個B 發白日夢的時候我真係好想架! 直到一個月前到啦!ピリオド無來其實我都唔其怪因為不嬲都唔係好準但係有日照鏡見到自己全身就好驚明明減緊肥點解好似越減肥個肚咁脹既？唔知點解個腦突然諗起好多無謂的野!!! 會唔會係咁？定係點呢？係巧合定係我估…..個腦亂到呢! 係個一刻原來真係好驚原本好想有BB係個一刻嘩!千其唔好係呀! 如果真係有左我都唔知點面對各人好…..

原來我發覺自己其實都唔係真係咁想要BB 不過有時見到身邊的朋友的BB出世我又覺得佢地好幸福….有d羨慕不過又唔同既佢地個個結晒婚唔生BB又好似有d唔完整的感覺而我又未結婚將來會唔會繼續同アーロン一齊又唔知如果真係有左係我生活上一定有重大的改變當我諗到lee到我就真係唔想生但係個心始終都係有點矛盾….

年紀越來越大趁我重未去到高齡產婦的時候如果真係想生的話就真係要好好諗下如果唔係遲d再諗就…..有時候我係到諗自己年紀越來越大爸爸媽媽都老左好多係我身邊的親戚朋友就算係電視裡面的名星都老左好多我真係好驚有一日佢地會一個一個咁離開我我知道生老病死係無法避免...

雖然生左個BB都唔代表佢將來會照顧我同陪我但係…起碼將來死有個仔佢都會來睇下我卦…哈哈好似越講越遠算把啦都係虛驚一場 !!

(閱讀全文)

The Bottlemania Arts Exhibition

nicolerene314 — Thu, 04 Jun 2009 15:21:11 +0800

星期三...

nicolerene314 — Wed, 03 Jun 2009 22:15:49 +0800

今日好似好忙好趕咁本來今日淨係約左サリ既但係月曜日ミシェル叫我今日陪佢去囉太陽眼鏡反正都約サリ出來佢又冇咁早咪去囉囉完眼鏡就反左ミシェル屋企睇下佢係日本買左的戰利品到差不多4點我就走....

因為約左サリ係將軍澳由沙田去將軍澳其實都可以好簡單但係我都唔知發咩瘟搭錯幾程車左轉右轉又行左好多冤枉路最後7點半先到達…係到hea左個鯪2個鐘我地走左去新都城kfc食雞食完都10點幾之後答車返apt….

返到去開門見到アーロン坐左係到發呆目無表情我走去問佢做咩？佢回我一句：好痛…. !!! 羅lee賤有飛機唔搭學人貪平搭火車坐十幾個鐘火車唔辛苦有鬼囉! 見佢痛成咁咪幫佢按摩下囉! 我地一路睇電視一路按摩佢就舒服難為我就按到手都痛睇睇下電視突然冇信號喎!(睇緊無線經典台) 原來出面越落越大雨重好快由黃雨轉紅雨添!!!!

無電視咪去訓覺出面雷聲越來越大我地2條白痴重拉開窗簾睇行雷我本來想影閃電可惜影唔到今日真係好攰攤左係床一陣就訓著左啦!

(閱讀全文)

Rubbish?!

nicolerene314 — Fri, 29 May 2009 14:22:19 +0800

搭船的時候係碼頭見到lee堆垃圾我都唔係好識點形容佢地你話係藝術品就見人見智啦! 其實我唔好關心佢地將d垃圾排成點反而我想知道當lee堆垃圾展覽完之後會唔會又變返一堆垃圾呢？

Rowed with him....

nicolerene314 — Thu, 28 May 2009 23:00:06 +0800

雖然今晚我的確係發到佢難渣不過最後都係我屈服既點解次次嗌交都嗌輸比佢架…人的確唔應該太火爆不過亦唔可以一點火都冇我個人就係越來越冇火當你發覺自己開始唔識得去嬲一個人的時候你就會好危險….我都話啦トニー返來冇好野無啦啦係大陸開咩野餐廳等アーロン陪埋佢一齊上去顛湛江咁遠アーロン都話唔可能成日返到來香港唉…..我有點擔心又有點失落心情有點怪怪唔識形容……..

Fitting Room

nicolerene314 — Thu, 28 May 2009 13:27:37 +0800

開心去買衫唔開心都係去買衫不過我就冇咩錢所以咪試衫囉….見衫就囉一件一件咁試上身感覺都幾正原來試衫都一樣可以好開心講真lee d衫呢我真係唔會買...啦!

梁米米之展覽

nicolerene314 — Sat, 16 May 2009 21:31:51 +0800

今日同アニエス去左沙田市中心行見到梁米米之的展覽……

Substitute for SOYJOY

nicolerene314 — Tue, 12 May 2009 09:33:40 +0800

今日行宇晴軒係入面間$10店找到d好野…之前講開食SJ但係價錢方面真係好貴但係原來係lee到都找到d同SJ差不多的食品就係佢..幾多錢？7個幾到啦!! 相比之下係比SJ平d味道方面我個人覺得就唔及SJ不過亦唔係太差我就買左萍果味同可可味來試…味道係可以既!! 不過行完十蚊店入左去百佳見到SJ做特價原價$9.9特價$7.9 頂佢個肺!!!!

SOYJOY

nicolerene314 — Mon, 11 May 2009 09:59:10 +0800

最近我愛上食SOYJOY…..SOYJOY真係好好味尤其係朱古力同士多啤梨味如果你想減肥食佢都好有用.....我平時無聊就會食零食食得多自然就會肥但係最近我改食SOYJOY代替零食效果真係好好我都食左一段時間最近發覺有瘦左既蹟像唔係講笑 ...真係有效架!! 不過價錢就貴左d .....香港暫時好似得5種味道希望快d出埋其他味多d選擇就唔會食到悶.......

she? !

nicolerene314 — Thu, 07 May 2009 09:37:53 +0800

真係唔知邊個撩起邊個把火….ダニエル撩起你….你發難渣又撩起我….其實我真係唔想提每次提起lee件事我都好嬲!!! 講足十年個問題都解決唔到既我已經控制我自己唔好去諗每次一提我個心就好煩點解係到要迫我去諗我真係唔知你究竟想點? 你真係好煩點解咁多女人黐埋來架!!! 真係唔知係咪鬼庵眼咁多人唔鐘意係要鐘意你...重有呀？究竟邊個係HOD?你同佢究竟有咩關係？!我知道你地一定有d野唔係做咩會問你愛唔愛佢呀？! 死佬呀! 真係比你激死我啦!!

長洲

nicolerene314 — Tue, 28 Apr 2009 20:26:51 +0800

難得今日天氣咁好….. 如果唔出街都真係對自己唔住雖然天氣好好不過就勁乾燥囉! 過幾日就係太平清醮個日一定人山人海所以打算今日就入去行下順便買個平安公仔比アレックス…!!!

雖然今日係平日但係都有好多人入左去…..我都係第一次見到咁多平安飽…行完飽山順便去海灘個邊行下…..見到有2個鬼佬係沙灘堆緊沙…..你估下佢係到堆緊d咩呢？原來係堆緊一對乳房!!!!

Toni .....

nicolerene314 — Tue, 21 Apr 2009 08:44:44 +0800

昨日早上本來心情不錯突然個心跳得很快一定有事發生但係會發生咩事我不知道到了晚上同舊朋友食飯本來都冇乜特別但食食下都覺得有點不妥….隻眼有d痛心情開始有點差差地但係唔知點解？返都屋企都差不多12點我立即沖涼訓覺但我訓極都訓唔到隻眼又痛又有d偏頭痛個心嚕嚕孿唔知想點典來典去望望個鐘 2點幾….結果我都係忍唔著打電話比アーロン…..想傾下計點知佢同我講：唉!原來黑星係加拿大返左來你可以話我係迷信但係每次隻黑星返來我都無日子好過佢霸佔我的所有…..包括我的私人空間及朋友最緊要就係連我條仔都霸佔埋......可惡!!!!點解你要返來呀？你返來即係要我落地獄你千唔好亂諗野諗著回流返香港住.....我真係會殺左你架!!!!!

北原照久の玩具博覽

nicolerene314 — Fri, 17 Apr 2009 22:38:07 +0800